TehilimCapítulo 80

תְּהִלִּים

  1. 1לַמְנַצֵּ֥חַ אֶל־שֹׁשַׁנִּ֑ים עֵד֖וּת לְאָסָ֣ף מִזְמֽוֹר׃Para el director; sobre shoshanim; edut; de Asaf, mizmor.
  2. 2רֹ֘עֵ֤ה יִשְׂרָאֵ֨ל׀ הַאֲזִ֗ינָה נֹהֵ֣ג כַּצֹּ֣אן יוֹסֵ֑ף יֹשֵׁ֖ב הַכְּרוּבִ֣ים הוֹפִֽיעָה׃Pastor de Yisrael, escucha; Tú que conduces como rebaño a Yosef, Tú que te sientas sobre los keruvim, resplandece.
  3. 3לִפְנֵ֤י אֶפְרַ֨יִם׀ וּבִנְיָ֘מִ֤ן וּמְנַשֶּׁ֗ה עוֹרְרָ֥ה אֶת־גְּבוּרָתֶ֑ךָ וּלְכָ֖ה לִישֻׁעָ֣תָה לָּֽנוּ׃Ante Efráyim, Binyamín y Menashé, despierta Tu poderío y ven en salvación para nosotros.
  4. 4אֱלֹהִ֥ים הֲשִׁיבֵ֑נוּ וְהָאֵ֥ר פָּ֝נֶ֗יךָ וְנִוָּשֵֽׁעָה׃Elohim, restáuranos, haz resplandecer Tu rostro y seremos salvos.
  5. 5יְהֹוָ֣ה אֱלֹהִ֣ים צְבָא֑וֹת עַד־מָתַ֥י עָ֝שַׁ֗נְתָּ בִּתְפִלַּ֥ת עַמֶּֽךָ׃Oh el Eterno, Elohim Tsevaot, ¿hasta cuándo humearás contra la plegaria de Tu pueblo?
  6. 6הֶ֭אֱכַלְתָּם לֶ֣חֶם דִּמְעָ֑ה וַ֝תַּשְׁקֵ֗מוֹ בִּדְמָע֥וֹת שָׁלִֽישׁ׃Les diste a comer pan de lágrimas y les diste a beber lágrimas en abundancia.
  7. 7תְּשִׂימֵ֣נוּ מָ֭דוֹן לִשְׁכֵנֵ֑ינוּ וְ֝אֹיְבֵ֗ינוּ יִלְעֲגוּ־לָֽמוֹ׃Nos pusiste por contienda a nuestros vecinos y nuestros enemigos se burlan entre sí.
  8. 8אֱלֹהִ֣ים צְבָא֣וֹת הֲשִׁיבֵ֑נוּ וְהָאֵ֥ר פָּ֝נֶ֗יךָ וְנִוָּשֵֽׁעָה׃Elohim Tsevaot, restáuranos, haz resplandecer Tu rostro y seremos salvos.
  9. 9גֶּ֭פֶן מִמִּצְרַ֣יִם תַּסִּ֑יעַ תְּגָרֵ֥שׁ גּ֝וֹיִ֗ם וַתִּטָּעֶֽהָ׃Una vid de Mitsráyim arrancaste, expulsaste naciones y la plantaste.
  10. 10פִּנִּ֥יתָ לְפָנֶ֑יהָ וַתַּשְׁרֵ֥שׁ שׇׁ֝רָשֶׁ֗יהָ וַתְּמַלֵּא־אָֽרֶץ׃Despejaste lugar ante ella, echó raíces y llenó la tierra.
  11. 11כׇּסּ֣וּ הָרִ֣ים צִלָּ֑הּ וַ֝עֲנָפֶ֗יהָ אַֽרְזֵי־אֵֽל׃Su sombra cubrió los montes y sus ramas los cedros de Dios.
  12. 12תְּשַׁלַּ֣ח קְצִירֶ֣הָ עַד־יָ֑ם וְאֶל־נָ֝הָ֗ר יוֹנְקוֹתֶֽיהָ׃Extendió sus sarmientos hasta el mar y hasta el río sus retoños.
  13. 13לָ֭מָּה פָּרַ֣צְתָּ גְדֵרֶ֑יהָ וְ֝אָר֗וּהָ כׇּל־עֹ֥בְרֵי דָֽרֶךְ׃¿Por qué derribaste sus cercas y la vendimian todos los que pasan por el camino?
  14. 14יְכַרְסְמֶ֣נָּֽה חֲזִ֣יר מִיָּ֑עַר וְזִ֖יז שָׂדַ֣י יִרְעֶֽנָּה׃La destroza el jabalí del bosque y la bestia del campo la devora.
  15. 15אֱלֹהִ֣ים צְבָאוֹת֮ שֽׁ֫וּב־נָ֥א הַבֵּ֣ט מִשָּׁמַ֣יִם וּרְאֵ֑ה וּ֝פְקֹ֗ד גֶּ֣פֶן זֹֽאת׃Elohim Tsevaot, vuelve, te rogamos; mira desde los cielos y contempla, y visita esta vid.
  16. 16וְ֭כַנָּה אֲשֶׁר־נָטְעָ֣ה יְמִינֶ֑ךָ וְעַל־בֵּ֝֗ן אִמַּ֥צְתָּה לָּֽךְ׃El tronco que plantó Tu diestra, y el vástago que fortaleciste para Ti.
  17. 17שְׂרֻפָ֣ה בָאֵ֣שׁ כְּסוּחָ֑ה מִגַּעֲרַ֖ת פָּנֶ֣יךָ יֹאבֵֽדוּ׃Quemada con fuego, cortada; ante la reprensión de Tu rostro perecen.
  18. 18תְּֽהִי־יָ֭דְךָ עַל־אִ֣ישׁ יְמִינֶ֑ךָ עַל־בֶּן־אָ֝דָ֗ם אִמַּ֥צְתָּ לָּֽךְ׃Sea Tu mano sobre el varón de Tu diestra, sobre el hijo del hombre que fortaleciste para Ti.
  19. 19וְלֹא־נָס֥וֹג מִמֶּ֑ךָּ תְּ֝חַיֵּ֗נוּ וּבְשִׁמְךָ֥ נִקְרָֽא׃Y no nos apartaremos de Ti; danos vida e invocaremos Tu nombre.
  20. 20יְ֘הֹוָ֤ה אֱלֹהִ֣ים צְבָא֣וֹת הֲשִׁיבֵ֑נוּ הָאֵ֥ר פָּ֝נֶ֗יךָ וְנִוָּשֵֽׁעָה׃ {פ}Oh el Eterno, Elohim Tsevaot, restáuranos; haz resplandecer Tu rostro y seremos salvos.