Melajim IICapítulo 24

מְלָכִים ב

  1. 1בְּיָמָ֣יו עָלָ֔ה נְבֻכַדְנֶאצַּ֖ר מֶ֣לֶךְ בָּבֶ֑ל וַיְהִי־ל֨וֹ יְהוֹיָקִ֥ים עֶ֙בֶד֙ שָׁלֹ֣שׁ שָׁנִ֔ים וַיָּ֖שׇׁב וַיִּמְרׇד־בּֽוֹ׃En sus días subió Nevujadnetsar, rey de Babilonia, y Yehoyaquim fue siervo suyo tres años; mas luego se volvió y se rebeló contra él.
  2. 2וַיְשַׁלַּ֣ח יְהֹוָ֣ה׀בּ֡וֹ אֶת־גְּדוּדֵ֣י כַשְׂדִּים֩ וְאֶת־גְּדוּדֵ֨י אֲרָ֜ם וְאֵ֣ת׀ גְּדוּדֵ֣י מוֹאָ֗ב וְאֵת֙ גְּדוּדֵ֣י בְנֵֽי־עַמּ֔וֹן וַיְשַׁלְּחֵ֥ם בִּיהוּדָ֖ה לְהַאֲבִיד֑וֹ כִּדְבַ֣ר יְהֹוָ֔ה אֲשֶׁ֣ר דִּבֶּ֔ר בְּיַ֖ד עֲבָדָ֥יו הַנְּבִיאִֽים׃Y el Eterno envió contra él bandas de caldeos, y bandas de Aram, y bandas de Moav, y bandas de los hijos de Amón, y los envió contra Yehudá para destruirlo, conforme a la palabra del Eterno que había hablado por medio de sus siervos los neviím.
  3. 3אַ֣ךְ׀ עַל־פִּ֣י יְהֹוָ֗ה הָֽיְתָה֙ בִּֽיהוּדָ֔ה לְהָסִ֖יר מֵעַ֣ל פָּנָ֑יו בְּחַטֹּ֣את מְנַשֶּׁ֔ה כְּכֹ֖ל אֲשֶׁ֥ר עָשָֽׂה׃Ciertamente por mandato del Eterno vino esto sobre Yehudá, para quitarlo de delante de su rostro, por los pecados de Menashé, conforme a todo lo que hizo.
  4. 4וְגַ֤ם דַּֽם־הַנָּקִי֙ אֲשֶׁ֣ר שָׁפָ֔ךְ וַיְמַלֵּ֥א אֶת־יְרוּשָׁלַ֖͏ִם דָּ֣ם נָקִ֑י וְלֹא־אָבָ֥ה יְהֹוָ֖ה לִסְלֹֽחַ׃Y también por la sangre inocente que derramó, pues llenó a Yerushaláyim de sangre inocente; y el Eterno no quiso perdonar.
  5. 5וְיֶ֛תֶר דִּבְרֵ֥י יְהוֹיָקִ֖ים וְכׇל־אֲשֶׁ֣ר עָשָׂ֑ה הֲלֹא־הֵ֣ם כְּתוּבִ֗ים עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יְהוּדָֽה׃Y el resto de los hechos de Yehoyaquim y todo lo que hizo, ¿no están escritos en el libro de las crónicas de los reyes de Yehudá?
  6. 6וַיִּשְׁכַּ֥ב יְהוֹיָקִ֖ים עִם־אֲבֹתָ֑יו וַיִּמְלֹ֛ךְ יְהוֹיָכִ֥ין בְּנ֖וֹ תַּחְתָּֽיו׃Y se acostó Yehoyaquim con sus padres, y reinó Yehoyajín su hijo en su lugar.
  7. 7וְלֹא־הֹסִ֥יף עוֹד֙ מֶ֣לֶךְ מִצְרַ֔יִם לָצֵ֖את מֵֽאַרְצ֑וֹ כִּֽי־לָקַ֞ח מֶ֣לֶךְ בָּבֶ֗ל מִנַּ֤חַל מִצְרַ֙יִם֙ עַד־נְהַר־פְּרָ֔ת כֹּ֛ל אֲשֶׁ֥ר הָיְתָ֖ה לְמֶ֥לֶךְ מִצְרָֽיִם׃ {פ}Y no volvió más el rey de Mitsráyim a salir de su tierra, porque el rey de Babilonia había tomado desde el arroyo de Mitsráyim hasta el río Perot todo lo que pertenecía al rey de Mitsráyim.
  8. 8בֶּן־שְׁמֹנֶ֨ה עֶשְׂרֵ֤ה שָׁנָה֙ יְהוֹיָכִ֣ין בְּמׇלְכ֔וֹ וּשְׁלֹשָׁ֣ה חֳדָשִׁ֔ים מָלַ֖ךְ בִּירֽוּשָׁלָ֑͏ִם וְשֵׁ֣ם אִמּ֔וֹ נְחֻשְׁתָּ֥א בַת־אֶלְנָתָ֖ן מִירוּשָׁלָֽ͏ִם׃De dieciocho años era Yehoyajín cuando comenzó a reinar, y tres meses reinó en Yerushaláyim; y el nombre de su madre era Nejushtá hija de Elnatán, de Yerushaláyim.
  9. 9וַיַּ֥עַשׂ הָרַ֖ע בְּעֵינֵ֣י יְהֹוָ֑ה כְּכֹ֥ל אֲשֶׁר־עָשָׂ֖ה אָבִֽיו׃Y hizo lo malo ante los ojos del Eterno, conforme a todo lo que había hecho su padre.
  10. 10בָּעֵ֣ת הַהִ֔יא (עלה) [עָל֗וּ] עַבְדֵ֛י נְבֻכַדְנֶאצַּ֥ר מֶלֶךְ־בָּבֶ֖ל יְרוּשָׁלָ֑͏ִם וַתָּבֹ֥א הָעִ֖יר בַּמָּצֽוֹר׃En aquel tiempo subieron los siervos de Nevujadnetsar, rey de Babilonia, contra Yerushaláyim, y la ciudad fue puesta bajo asedio.
  11. 11וַיָּבֹ֛א נְבֻכַדְנֶאצַּ֥ר מֶלֶךְ־בָּבֶ֖ל עַל־הָעִ֑יר וַעֲבָדָ֖יו צָרִ֥ים עָלֶֽיהָ׃Y vino Nevujadnetsar, rey de Babilonia, contra la ciudad, mientras sus siervos la sitiaban.
  12. 12וַיֵּצֵ֞א יְהוֹיָכִ֤ין מֶֽלֶךְ־יְהוּדָה֙ עַל־מֶ֣לֶךְ בָּבֶ֔ל ה֣וּא וְאִמּ֔וֹ וַעֲבָדָ֖יו וְשָׂרָ֣יו וְסָרִיסָ֑יו וַיִּקַּ֤ח אֹתוֹ֙ מֶ֣לֶךְ בָּבֶ֔ל בִּשְׁנַ֥ת שְׁמֹנֶ֖ה לְמׇלְכֽוֹ׃Y salió Yehoyajín, rey de Yehudá, al rey de Babilonia, él y su madre, y sus siervos, y sus príncipes, y sus oficiales; y lo tomó el rey de Babilonia en el año octavo de su reinado.
  13. 13וַיּוֹצֵ֣א מִשָּׁ֗ם אֶת־כׇּל־אֽוֹצְרוֹת֙ בֵּ֣ית יְהֹוָ֔ה וְאוֹצְר֖וֹת בֵּ֣ית הַמֶּ֑לֶךְ וַיְקַצֵּ֞ץ אֶת־כׇּל־כְּלֵ֣י הַזָּהָ֗ב אֲשֶׁ֨ר עָשָׂ֜ה שְׁלֹמֹ֤ה מֶֽלֶךְ־יִשְׂרָאֵל֙ בְּהֵיכַ֣ל יְהֹוָ֔ה כַּאֲשֶׁ֖ר דִּבֶּ֥ר יְהֹוָֽה׃Y sacó de allí todos los tesoros de la Casa del Eterno y los tesoros de la casa del rey, y cortó todos los utensilios de oro que había hecho Shlomoh, rey de Yisrael, en el Heijal del Eterno, tal como el Eterno había dicho.
  14. 14וְהִגְלָ֣ה אֶת־כׇּל־יְ֠רוּשָׁלַ֠͏ִם וְֽאֶת־כׇּל־הַשָּׂרִ֞ים וְאֵ֣ת׀ כׇּל־גִּבּוֹרֵ֣י הַחַ֗יִל (עשרה) [עֲשֶׂ֤רֶת] אֲלָפִים֙ גּוֹלֶ֔ה וְכׇל־הֶחָרָ֖שׁ וְהַמַּסְגֵּ֑ר לֹ֣א נִשְׁאַ֔ר זוּלַ֖ת דַּלַּ֥ת עַם־הָאָֽרֶץ׃Y deportó a toda Yerushaláyim, y a todos los príncipes, y a todos los valientes guerreros, diez mil deportados, y a todos los artesanos y herreros; no quedó sino la gente pobre del pueblo de la tierra.
  15. 15וַיֶּ֥גֶל אֶת־יְהוֹיָכִ֖ין בָּבֶ֑לָה וְאֶת־אֵ֣ם הַ֠מֶּ֠לֶךְ וְאֶת־נְשֵׁ֨י הַמֶּ֜לֶךְ וְאֶת־סָרִיסָ֗יו וְאֵת֙ (אולי) [אֵילֵ֣י] הָאָ֔רֶץ הוֹלִ֛יךְ גּוֹלָ֥ה מִירוּשָׁלַ֖͏ִם בָּבֶֽלָה׃Y deportó a Yehoyajín a Babilonia, y a la madre del rey, y a las mujeres del rey, y a sus oficiales, y a los poderosos de la tierra; los llevó cautivos de Yerushaláyim a Babilonia.
  16. 16וְאֵת֩ כׇּל־אַנְשֵׁ֨י הַחַ֜יִל שִׁבְעַ֣ת אֲלָפִ֗ים וְהֶחָרָ֤שׁ וְהַמַּסְגֵּר֙ אֶ֔לֶף הַכֹּ֕ל גִּבּוֹרִ֖ים עֹשֵׂ֣י מִלְחָמָ֑ה וַיְבִיאֵ֧ם מֶלֶךְ־בָּבֶ֛ל גּוֹלָ֖ה בָּבֶֽלָה׃Y a todos los hombres de guerra, siete mil, y a los artesanos y herreros, mil, todos valientes y aptos para la guerra; y los trajo el rey de Babilonia cautivos a Babilonia.
  17. 17וַיַּמְלֵ֧ךְ מֶלֶךְ־בָּבֶ֛ל אֶת־מַתַּנְיָ֥ה דֹד֖וֹ תַּחְתָּ֑יו וַיַּסֵּ֥ב אֶת־שְׁמ֖וֹ צִדְקִיָּֽהוּ׃ {פ}Y el rey de Babilonia puso por rey en su lugar a Matanyá, tío suyo, y cambió su nombre a Tsidquiyahu.
  18. 18בֶּן־עֶשְׂרִ֨ים וְאַחַ֤ת שָׁנָה֙ צִדְקִיָּ֣הוּ בְמׇלְכ֔וֹ וְאַחַ֤ת עֶשְׂרֵה֙ שָׁנָ֔ה מָלַ֖ךְ בִּירוּשָׁלָ֑͏ִם וְשֵׁ֣ם אִמּ֔וֹ (חמיטל) [חֲמוּטַ֥ל] בַּֽת־יִרְמְיָ֖הוּ מִלִּבְנָֽה׃De veintiún años era Tsidquiyahu cuando comenzó a reinar, y once años reinó en Yerushaláyim; y el nombre de su madre era Jamutal hija de Yirmiyahu, de Livná.
  19. 19וַיַּ֥עַשׂ הָרַ֖ע בְּעֵינֵ֣י יְהֹוָ֑ה כְּכֹ֥ל אֲשֶׁר־עָשָׂ֖ה יְהוֹיָקִֽים׃Y hizo lo malo ante los ojos del Eterno, conforme a todo lo que había hecho Yehoyaquim.
  20. 20כִּ֣י׀ עַל־אַ֣ף יְהֹוָ֗ה הָיְתָ֤ה בִירוּשָׁלַ֙͏ִם֙ וּבִ֣יהוּדָ֔ה עַד־הִשְׁלִכ֥וֹ אֹתָ֖ם מֵעַ֣ל פָּנָ֑יו וַיִּמְרֹ֥ד צִדְקִיָּ֖הוּ בְּמֶ֥לֶךְ בָּבֶֽל׃ {ס}Porque a causa de la ira del Eterno aconteció esto en Yerushaláyim y en Yehudá, hasta que los arrojó de delante de su rostro. Y Tsidquiyahu se rebeló contra el rey de Babilonia.