YeshayahuCapítulo 43

יְשַׁעְיָהוּ

  1. 1וְעַתָּ֞ה כֹּֽה־אָמַ֤ר יְהֹוָה֙ בֹּרַאֲךָ֣ יַעֲקֹ֔ב וְיֹצֶרְךָ֖ יִשְׂרָאֵ֑ל אַל־תִּירָא֙ כִּ֣י גְאַלְתִּ֔יךָ קָרָ֥אתִי בְשִׁמְךָ֖ לִי־אָֽתָּה׃Y ahora, así ha dicho el Eterno, tu Creador, Yaakov, y tu Formador, Yisrael: «No temas, porque te he redimido; te he llamado por tu nombre, mío eres tú.
  2. 2כִּֽי־תַעֲבֹ֤ר בַּמַּ֙יִם֙ אִתְּךָ־אָ֔נִי וּבַנְּהָר֖וֹת לֹ֣א יִשְׁטְפ֑וּךָ כִּֽי־תֵלֵ֤ךְ בְּמוֹ־אֵשׁ֙ לֹ֣א תִכָּוֶ֔ה וְלֶהָבָ֖ה לֹ֥א תִבְעַר־בָּֽךְ׃Cuando pases por las aguas, contigo estaré yo; y por los ríos, no te anegarán. Cuando camines por el fuego, no te quemarás, y la llama no arderá en ti.
  3. 3כִּ֗י אֲנִי֙ יְהֹוָ֣ה אֱלֹהֶ֔יךָ קְד֥וֹשׁ יִשְׂרָאֵ֖ל מוֹשִׁיעֶ֑ךָ נָתַ֤תִּי כׇפְרְךָ֙ מִצְרַ֔יִם כּ֥וּשׁ וּסְבָ֖א תַּחְתֶּֽיךָ׃Porque Yo soy el Eterno, tu Elohim, el Santo de Yisrael, tu Salvador; he dado como tu rescate a Mitsráyim, a Kush y a Sevá en tu lugar.
  4. 4מֵאֲשֶׁ֨ר יָקַ֧רְתָּ בְעֵינַ֛י נִכְבַּ֖דְתָּ וַאֲנִ֣י אֲהַבְתִּ֑יךָ וְאֶתֵּ֤ן אָדָם֙ תַּחְתֶּ֔יךָ וּלְאֻמִּ֖ים תַּ֥חַת נַפְשֶֽׁךָ׃Puesto que fuiste precioso a mis ojos, fuiste honrado, y Yo te amé; daré hombres en tu lugar y pueblos a cambio de tu vida.
  5. 5אַל־תִּירָ֖א כִּ֣י אִתְּךָ־אָ֑נִי מִמִּזְרָח֙ אָבִ֣יא זַרְעֶ֔ךָ וּמִֽמַּעֲרָ֖ב אֲקַבְּצֶֽךָּ׃No temas, porque contigo estoy Yo; del oriente traeré tu descendencia, y del occidente te reuniré.
  6. 6אֹמַ֤ר לַצָּפוֹן֙ תֵּ֔נִי וּלְתֵימָ֖ן אַל־תִּכְלָ֑אִי הָבִ֤יאִי בָנַי֙ מֵרָח֔וֹק וּבְנוֹתַ֖י מִקְצֵ֥ה הָאָֽרֶץ׃Diré al norte: ¡Da!, y al sur: ¡No retengas! Trae a mis hijos de lejos y a mis hijas desde el extremo de la tierra.
  7. 7כֹּ֚ל הַנִּקְרָ֣א בִשְׁמִ֔י וְלִכְבוֹדִ֖י בְּרָאתִ֑יו יְצַרְתִּ֖יו אַף־עֲשִׂיתִֽיו׃A todo el que es llamado por mi nombre, y para mi gloria lo creé, lo formé, también lo hice».
  8. 8הוֹצִ֥יא עַם־עִוֵּ֖ר וְעֵינַ֣יִם יֵ֑שׁ וְחֵרְשִׁ֖ים וְאׇזְנַ֥יִם לָֽמוֹ׃Sacad al pueblo ciego que tiene ojos, y a los sordos que tienen oídos.
  9. 9כׇּֽל־הַגּוֹיִ֞ם נִקְבְּצ֣וּ יַחְדָּ֗ו וְיֵאָֽסְפוּ֙ לְאֻמִּ֔ים מִ֤י בָהֶם֙ יַגִּ֣יד זֹ֔את וְרִאשֹׁנ֖וֹת יַשְׁמִיעֻ֑נוּ יִתְּנ֤וּ עֵֽדֵיהֶם֙ וְיִצְדָּ֔קוּ וְיִשְׁמְע֖וּ וְיֹאמְר֥וּ אֱמֶֽת׃Todas las naciones se congreguen juntamente, y se reúnan los pueblos. ¿Quién de ellos anunciará esto, y las cosas primeras nos hará oír? Que presenten a sus testigos y sean justificados, y oigan y digan: «Es verdad».
  10. 10אַתֶּ֤ם עֵדַי֙ נְאֻם־יְהֹוָ֔ה וְעַבְדִּ֖י אֲשֶׁ֣ר בָּחָ֑רְתִּי לְמַ֣עַן תֵּ֠דְע֠וּ וְתַאֲמִ֨ינוּ לִ֤י וְתָבִ֙ינוּ֙ כִּֽי־אֲנִ֣י ה֔וּא לְפָנַי֙ לֹא־נ֣וֹצַר אֵ֔ל וְאַחֲרַ֖י לֹ֥א יִהְיֶֽה׃ {ס}«Vosotros sois mis testigos —oráculo del Eterno— y mi siervo a quien elegí, para que sepáis y me creáis y entendáis que Yo soy Él; antes de mí no fue formado dios, y después de mí no lo habrá.
  11. 11אָנֹכִ֥י אָנֹכִ֖י יְהֹוָ֑ה וְאֵ֥ין מִבַּלְעָדַ֖י מוֹשִֽׁיעַ׃Yo, Yo soy el Eterno, y no hay fuera de mí salvador.
  12. 12אָנֹכִ֞י הִגַּ֤דְתִּי וְהוֹשַׁ֙עְתִּי֙ וְהִשְׁמַ֔עְתִּי וְאֵ֥ין בָּכֶ֖ם זָ֑ר וְאַתֶּ֥ם עֵדַ֛י נְאֻם־יְהֹוָ֖ה וַאֲנִי־אֵֽל׃Yo anuncié, y salvé, e hice oír, y no hubo entre vosotros dios extraño; y vosotros sois mis testigos —oráculo del Eterno— y Yo soy Dios.
  13. 13גַּם־מִיּוֹם֙ אֲנִ֣י ה֔וּא וְאֵ֥ין מִיָּדִ֖י מַצִּ֑יל אֶפְעַ֖ל וּמִ֥י יְשִׁיבֶֽנָּה׃ {ס}Aun desde el día, Yo soy Él, y no hay quien libre de mi mano; Yo obro, ¿y quién lo revertirá?»
  14. 14כֹּֽה־אָמַ֧ר יְהֹוָ֛ה גֹּאַלְכֶ֖ם קְד֣וֹשׁ יִשְׂרָאֵ֑ל לְמַעַנְכֶ֞ם שִׁלַּ֣חְתִּי בָבֶ֗לָה וְהוֹרַדְתִּ֤י בָֽרִיחִים֙ כֻּלָּ֔ם וְכַשְׂדִּ֖ים בָּאֳנִיּ֥וֹת רִנָּתָֽם׃Así ha dicho el Eterno, vuestro Redentor, el Santo de Yisrael: «Por vosotros envié a Babilonia, y derribé a todos como fugitivos, y a los kasdim en las naves de su júbilo.
  15. 15אֲנִ֥י יְהֹוָ֖ה קְדֽוֹשְׁכֶ֑ם בּוֹרֵ֥א יִשְׂרָאֵ֖ל מַלְכְּכֶֽם׃ {ס}Yo soy el Eterno, vuestro Santo, Creador de Yisrael, vuestro Rey».
  16. 16כֹּ֚ה אָמַ֣ר יְהֹוָ֔ה הַנּוֹתֵ֥ן בַּיָּ֖ם דָּ֑רֶךְ וּבְמַ֥יִם עַזִּ֖ים נְתִיבָֽה׃Así ha dicho el Eterno, el que abre camino en el mar y senda en aguas impetuosas,
  17. 17הַמּוֹצִ֥יא רֶכֶב־וָס֖וּס חַ֣יִל וְעִזּ֑וּז יַחְדָּ֤ו יִשְׁכְּבוּ֙ בַּל־יָק֔וּמוּ דָּעֲכ֖וּ כַּפִּשְׁתָּ֥ה כָבֽוּ׃el que saca carro y caballo, ejército y fuerza; juntos yacen, no se levantarán; se apagaron, como mecha se extinguieron:
  18. 18אַֽל־תִּזְכְּר֖וּ רִאשֹׁנ֑וֹת וְקַדְמֹנִיּ֖וֹת אַל־תִּתְבֹּנָֽנוּ׃«No recordéis las cosas primeras, y las antiguas no consideréis.
  19. 19הִנְנִ֨י עֹשֶׂ֤ה חֲדָשָׁה֙ עַתָּ֣ה תִצְמָ֔ח הֲל֖וֹא תֵּדָע֑וּהָ אַ֣ף אָשִׂ֤ים בַּמִּדְבָּר֙ דֶּ֔רֶךְ בִּישִׁמ֖וֹן נְהָרֽוֹת׃He aquí que Yo hago cosa nueva; ahora brotará, ¿acaso no la conoceréis? Aun pondré camino en el desierto, ríos en la soledad.
  20. 20תְּכַבְּדֵ֙נִי֙ חַיַּ֣ת הַשָּׂדֶ֔ה תַּנִּ֖ים וּבְנ֣וֹת יַעֲנָ֑ה כִּֽי־נָתַ֨תִּי בַמִּדְבָּ֜ר מַ֗יִם נְהָרוֹת֙ בִּֽישִׁימֹ֔ן לְהַשְׁק֖וֹת עַמִּ֥י בְחִירִֽי׃Me honrará la bestia del campo, los chacales y las hijas del avestruz, porque puse aguas en el desierto, ríos en la soledad, para dar de beber a mi pueblo, mi elegido.
  21. 21עַם־זוּ֙ יָצַ֣רְתִּי לִ֔י תְּהִלָּתִ֖י יְסַפֵּֽרוּ׃ {ס}Este pueblo que formé para mí, mi alabanza contarán».
  22. 22וְלֹא־אֹתִ֥י קָרָ֖אתָ יַעֲקֹ֑ב כִּֽי־יָגַ֥עְתָּ בִּ֖י יִשְׂרָאֵֽל׃«Y no me invocaste a mí, Yaakov, pues te cansaste de mí, Yisrael.
  23. 23לֹֽא־הֵבֵ֤יאתָ לִּי֙ שֵׂ֣ה עֹלֹתֶ֔יךָ וּזְבָחֶ֖יךָ לֹ֣א כִבַּדְתָּ֑נִי לֹ֤א הֶעֱבַדְתִּ֙יךָ֙ בְּמִנְחָ֔ה וְלֹ֥א הוֹגַעְתִּ֖יךָ בִּלְבוֹנָֽה׃No me trajiste la res de tus holocaustos, y con tus sacrificios no me honraste. No te hice servir con ofrenda, ni te fatigué con incienso.
  24. 24לֹא־קָנִ֨יתָ לִּ֤י בַכֶּ֙סֶף֙ קָנֶ֔ה וְחֵ֥לֶב זְבָחֶ֖יךָ לֹ֣א הִרְוִיתָ֑נִי אַ֗ךְ הֶעֱבַדְתַּ֙נִי֙ בְּחַטֹּאותֶ֔יךָ הוֹגַעְתַּ֖נִי בַּעֲוֺנֹתֶֽיךָ׃No compraste para mí con plata caña aromática, ni con la grasa de tus sacrificios me saciaste; antes bien, me hiciste servir con tus pecados, me fatigaste con tus iniquidades.
  25. 25אָנֹכִ֨י אָנֹכִ֥י ה֛וּא מֹחֶ֥ה פְשָׁעֶ֖יךָ לְמַעֲנִ֑י וְחַטֹּאתֶ֖יךָ לֹ֥א אֶזְכֹּֽר׃Yo, Yo soy el que borro tus transgresiones por mi causa, y tus pecados no recordaré.
  26. 26הַזְכִּירֵ֕נִי נִשָּׁפְטָ֖ה יָ֑חַד סַפֵּ֥ר אַתָּ֖ה לְמַ֥עַן תִּצְדָּֽק׃Hazme recordar, entremos juntos en juicio; cuenta tú, para que seas justificado.
  27. 27אָבִ֥יךָ הָרִאשׁ֖וֹן חָטָ֑א וּמְלִיצֶ֖יךָ פָּ֥שְׁעוּ בִֽי׃Tu primer padre pecó, y tus intercesores se rebelaron contra mí.
  28. 28וַאֲחַלֵּ֖ל שָׂ֣רֵי קֹ֑דֶשׁ וְאֶתְּנָ֤ה לַחֵ֙רֶם֙ יַֽעֲקֹ֔ב וְיִשְׂרָאֵ֖ל לְגִדּוּפִֽים׃ {פ}Y profané a los príncipes del santuario, y entregué a Yaakov al anatema, y a Yisrael a los ultrajes».